حملة ’30 يومًا من التدوين’

بيان ملكي شديد اللهجة

حيث أنه لا يوجد حكومة لهذه المملكة للأسف لتحاسب الملكة على تصرفاتها قليلة المسئولية، فقد قررت أن أتقمص دور الحكومة في إصدار بيان هذا الحملة.. الملكة الشاطرة تغزل برجل -بتسكين الجيم- حمار برضه..

المهم..

البيان الحكومي يجب أن يبدأ ببعض المفاعيل المطلقة:

انطلاقًا من تردي أوضاع المملكة وقلة التدوين بها في الفترة الأخيرة.

وإيمانًا بدور الكاتب في إمتاع الناس بما حباه الله من موهبة وعين.

واحترامًا لأكثر من 100 قارئ شرفونا بطلب إخبارهم بجديدنا أولاً بأول عبر الإيمايل.

والتزامًا بالحفاظ على ثقة القارئ في المملكة.

قررنا إطلاق حملة “30 يومًا من التدوين” التي تهدف إلى ما يلي:

- زيادة شعور المدوّن والكاتب بالمسئولية تجاه قرائه الذين قد ينتظرون بالشهور لقراءة جديده ثم ييأسوا ويكفوا عن متابعة موقعه أو مدونته.

- إظهار موهبة الكاتب في قدرته على استنباط أفكار من حياته اليومية والكتابة عنها، وليس انتظار مجيء فكرة أو إلهام من العدم.

- تشجيع القراء على القراءة اليومية ولو كانت لتدوينة قصيرة.

- زيادة زوار ومتابعي المدونات الذين ستزداد ثقتهم في وجود جديد كل مرة.

المشتركون في هذه الحملة سيتوجب عليهم ببساطة أن:

- يقوموا بالتدوين اليومي عن أي شيء ولو كان مواقف الحياة اليومية كما يرونها بأعينهم الخاصة طوال فترة شهر ابتداءً من أول مايو 2010 (وهو بديهيًا موعد بدء الحملة). وفي حالة أن لم تسمح ظروف المدون في يوم بعينه فيتعين عليه أن يكتب تدوينة زائدة في اليوم التالي.

- ينشروا الفكرة في مدوناتهم ليشجعوا القراء على الدخول يوميًا للقراءة.

وعلى المدونين الراغبين في الاشتراك بالحملة مراسلة صفحة صاحبتها في مملكتها، على أن تقوم الملكة بالمتابعة اليومية لكل المدونات المشتركة والإعلان عنها.. وحذف المدونات المخالفة من قائمة المشتركين طبعًا !

هذا، والله ولي التوفيق..

* * * *

في الحقيقة الهدف الأول بالنسبة لي هو أن أستعيد قرائي مرة أخرى.. فانشغالي بعملي الجديد -الذي سأدون عنه لاحقًا طبعًا- جعلني سيئة الطبع تدوينيًا جدًا مما أثر على تضاؤل قرائي وزوار مملكتي العزيزة..

أنا أعرف خيبة الأمل تلك التي أشعرها بها عندما أدخل لمدونات -أو حتى مواقع- أحبها وأجدها لم تُحدّث منذ دهور! لكم من مواقع انصرفت عن متابعتها لقلة التحديث !

غالبًا من سيقرأ تلك التدوينة هم فقط من اشتركوا بقائمتي البريدية وأصدقائي على الفايسبوك، أما الباقين الذين كانوا يتابعون الموقع القديم dalia.ws من بعيد فللأسف لن يعرفوا بهذا المشروع لإعادة إحياء الموقع الذي صار daliayounis.com ..

بالإضافة للعديد من التعديلات التي قمت بها في المدونة لملاءمة الوضع الجديد، قمت بعمل صفحة خاصة لهذه الحملة يمكن أن تنشروها لو أردتم إعفاء الناس من كل هذه الكليشيهات الملكية.. كذلك قام صديقي المصمم البارع ماندو (هكذا يحب أن يُنادى، رغم أني لا أرى في اسمه الحقيقي كارثة من أي نوع) بتصميم بانر للحملة في وقت قياسي.. وهذه دعاية بالمناسبة:

يسعدني طبعًا أن أعرف أنك كمدوّن أو كاتب قد اشتركت في الحملة حتى يتسني لي متابعتك (حتى لو لم أكن من قرائك السابقين)، فرجاءً أعلمني بذلك في صفحة الحملة الرسمية أو هنا..

سأختم بلعبة صغيرة قبل أن أبدأ شهري التدويني في أول الشهر القادم.. يمكن الاشتراك في هذه اللعبة عن طريق التعليقات:

أوجد الاختلافات ما بين موقع www.dalia.ws سابقًا وwww.daliayounis.com حاليًا.

ولنرَ دقة الملاحظة في الزيادات والتعديلات التي أجريتها على قالب المدونة ! :)

إلى أول مايو..

اترك تعليقًا ?

48 تعليقات.

  1. هي فكرة لذيذة و خصوصا إني بقالي فترة عفاريت الكتابة مضطهدني

    فأعتقد إني هاخد الفكرة الأساسية اللي هي 30 يوم من التدوين و أنفذها و إن كنت مش هلتزم بباقي البنود

    أنا بس حبيت أقولك .. لأني هنوه عن الحملة في المدونة عندي و هاحط البانر

    فنوع من نسب الفضل لأهله

    :)

    كوني بخير

  2. قارئة على الدوام

    من طبيعة حكمة الخالق التجديد والتطوير
    ومزيد من الابداع لأميرة جيرالدين بجد أنا غير مرتاحة نفسيا لموقع الفيس بوك ده ومن متابعى المدونة مباشر
    الفرق طبعا http://www.dalia.ws وwww.daliayounis.com حاليًا
    أنى هو كده من الأول مفيش موقع بيختم ب w s
    أصلا
    وإلى مزيد من الالعاب

  3. السلام عليكم ورحمة الله وبركاته..
    الواقع أنها فكرة رائعة ، لكن علي التأكد من قدرتي على الاتزام بالنشر اليومي قبل أن أنضم إلى الحملة، ومهما يكن من أمر، فلا شك أننا سنستمتع بقراءة 30 تدوينة للملكة وهذا هو المهم.

    شكرا لمحاولتك إلقاء حجر في أعماقنا الراكدة ، ودمت متألقة.

  4. معاكم بإذن الله :)

  5. طنط سامية مامة نهى

    ربنا يجعلها حملة مباركة يتم فيها تداول الاراء المفيدة النافعة يا دوللى . أنا فى انتظار التدوينات الجميلة:)

  6. فكرة عبقرية ;-)

  7. انا عجبتنى بجد الفكرة لانى بقالى كتير انا كمان مش بدون زى الاول ومعاكى ان شاء الله هعمل اعلان عندى فى المدونة وهبدأ معاكم من اول الشهر
    تحياتى

  8. معاكي ان شاء الله

  9. انا علقت كذا مره مش عارفه التعليق بيوصل ولا فى مشكله بس هو انا معاكى فى الحمله

  10. فكرة ممتازة لعلها تخرجني من حالة الكسل التدويني التي اعاني منها منذ فترة ناهزت الستة أشهر وكلما دخلت مدونتي اشعر بتأنيب ضمير وعتابها يملأ أذني لدرجة تجلني اسارع بالهرب

    اعبريني من المشاركات في الحملة وقد قمت بالاعلان عنها على الفيس بوك

    تحياتي

  11. انا مبسوطة اوى من الفكرة بتاعتك

    عجبانى جدا ونفسي اشترك بس بوست كل يوووووم صععععب اوى

    مش عشان قلة الافكار .. زى منتى قولتى لو الواحد طلع كل يوم فكرة من الاحداث اليومية هتبقى حلوة اوى

    بس عشان الوقت بجد حتى اللى مبيشتغلش مش هيكون عنده وقت يكتب كل يوم تدوينة .. وان كنت انا فى بعض ايام كنت بكتب بالتدوينة والاتنين والتلاتة كمان :)

    خايفة اقولك هشترك الاقى نفسي ادبست ومعرفش اواظب .. وخايفة اقولك لا لان الفكرة حلوة :)

    انا بس مش هعرف اطلع الفرق بين الموقعين :$
    وكمان مش فاهمة يعنى انا لو عاوزة اشترك اسيب اسمى وعنوان مدونتى ولا عمل ايه

    تحياتى ومبسوطة بمرورى على المدونة :)

  12. طب هو تعليقى اللى فات اتنشر؟؟

  13. بالتوفيق.

  14. انا عايزة أشترك يا داليا بس مش عارفة اشترك إزاي .. أبعت على أنهي إيميل ولا اكتب تعليق هنا وخلاص ولا ايه؟
    :D

  15. تم الاعلان عن الحمله فى الفيس بوك
    فعلا المدونين والتدوين نفتقدهما بشده
    برافوا عليك بجد

  16. بما إن التعليقات اللى فاتت اتنشرت فإن شاءالله حكون معاكي فى الحملة وعملت تنويه عنها فى مدونتي كمان

    :D

  17. متشوقة جدا عشان أبدأ :)

  18. هو اللي أقدر أقوله اني هحاول .. بس فكرة الإلتزام دي غريبة اوي على كتابة حرة بطبيعتها زي التدوين .. على كل حال ، انا معاكم ، بس مش أوي .. على جنب كدا

  19. يا ترى مشكلة التعليقات اتحلت ولا لسه ؟

  20. معلش يا جماعة بعتذر جدًا عن مشكلة التعليقات اللي مظهرتش.. وشكرًا للناس اللي نبهتني في الوقت المناسب :)

    الاشتراك مفتوح لأي حد هيعلن هنا أو في صقحة الحملة إنه هيشترك.. والتقييم هيكون في آخر الشهر لأن زي ما قلت الناس معرضة إنها في يوم متكتبش وتعوض في اليوم اللي بعده..

    يعني آخر الشهر إن شاء الله أنا هدخل على المدونات المشاركة وأشوف مين اللي كتب في آخر الشهر فعلا 30 تدوينة وأعلن ده عندي.. اعتبروها مسابقة :D

  21. انا بعلن هنا تانى اهه
    http://shamsal3sary.blogspot.com/

  22. أضفت إعلان الحملة على مدونتي
    و افكر فيما ساكتب
    بالتوفيق للجميع

  23. تمام

    معاكم

    أضفت الروابط

  24. أهلا بيكو جميعًا :)

  25. الفكرة جيدة وتعتبر رد على سؤال طرح منذ سنة تقريبا لماذا يتوقف البعض عن التدوين.

  26. فكرة جميلة كنت اتمنى اشارك بس عارفة نفسى ظروفى بتمنعنى اشارك باستمرار بس هحاول انفذ الفكرة مع نفسى بقى وهنشر الفكرة فى المدونة

  27. كان عندى مدونة بأكتب فيها شوية حاجات كده شبه الشعر بس بطلت من زمان
    أنا قررت ابتدى مدونة جديدة و هشترك معاكم من انهارده و ربنا يسهل بقى
    اللينك اهوه: http://khayalelma2ata.blogspot.com/

  28. انا بحاول من يومين اكتب كومنت ومش عارف

    انا معاكوا ومش معاكوا :D

  29. معلش يا حضرة السفاح أصل التعليقات كانت بعافية شوية :D

    تمت إضافتكو جميعًا :)

  30. داليا عبدالحميد

    انا مش عندى مدونة خاصة بيا ممكن اكتب هنا معاكم

  31. ولو انها مـتأخرة انا معاكوا حتى لو لم استطع انى ائتى بكل بنود التعاقد ولي ( ما لا يدرك كله لا يترك كله:))
    فكرة تحفة بجد

  32. ممكن تعملي واحدة يا داليا علشان تكتبي فيها اللي تحبيه.. وطبعًا أهلا بتعليقاتك على كل اللي يتكتب هنا..

    وأهلا بيكي معانا يا هنا..

  33. أنا مش متافجئة خالص بموضوع الحملة لإنى إتعودت منك على أفكار رائعة :) للأسف أنا مقريتش عن الموضوع إلا النهارده (21 مايو)!!
    لكن ملحوقة: النهارد إن شاء الله حيكون بداية حملتى…إستعدى للإنبهار :)

  34. محمد علي إبراهيم

    Seems that the idea of “30 Days of Blogging” challenge isn’t new. And people all over the world have been taking such challenge since a while ago.

  35. هبة:
    نورتينا في أي وقت :)

    محمد علي:
    Great minds think together :D
    I might think of repeating the campaign with more restrictions as the English one when I get an enthusiastic feedback :)

  36. بسم الله الرحمن الرحيم

    شكرا على الموضوع

  37. أول مرة أزور مدونتك القيمة .. تهنئتي لك على المجهود المبذول والرائع..

اترك تعليقًا


NOTE - You can use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>